Għażiż Kummissarju Azzopardi,
Il- Ministeru tat-Trasport avża li ser ikun hemm 400 rotta ġdida tat-Trasport pubbliku.
Indubbjament, inizjattiva pożittiva u importanti biex tinkoraġġixxi lis-sewwieqa jħallu l-karozza privata d-dar.
Madankollu, anki f’inizjattiva pożittiva bħal din, il-membri tal-gvern iridu jibqgħu jasserixxu l-arroganza tagħhom.
Infatti, il-Ministeru tat-Trasport nieda video ta’ reklam, biex jippubbliċizza dan il-fatt.
Sponsors oħrajn tal-video huma Transport Malta u Malta Public Transport.
Sal-mument li qed nikteb, dan il-video la qieghed fuq is-sit tal-Ministeru, la s-sit ta’ Transport Malta u lanqas fuq is-sit tal-Malta Public Transport.
Imma, minflok ma l-video ġie mxandar fuq is-sit ta-Ministeru tat -Trasport, skont ir-regoli stabbiliti mill-Kummissarju Hyzler u ribaditi ripetutament minnek, dan il -video ġie mxandar direttament fuq il-facebook tal-Ministru Chris Bonett.
Apparti l-ksur tar-regoli, dana ma huwa xejn ħlief att ta’ sfida tas-suddett Ministru lejn l-awtorita’ tal-Kummissarju tal-istandards.
Nitolbok ghalhekk tinvestiga dan il-ksur ta’ etika.
Il-video in kwistjoni huwa dan:
https://www.facebook.com/chrisbonettmt/videos/653994237556574
Inselli għalik,
Arnold Cassola
Chairperson Momentum
